Við notum vefkökur til að bæta upplifun þína á síðunni. Með því að halda áfram að vafra um síðuna samþykkir þú skilmála okkar um notkun á vefkökum, að öðrum kosti getur þú kynnt þér hvernig má stýra notkun þeirra.
Starfsemin
Framkvæmdastjórn
Starfsemin
Mannauður
Árið 2018 hafa verkefni Mannauðs að miklu leyti snúið að sameiningarferli Sýnar. Að sameina tvo menningarheima er vandasamt verkefni og lögð hefur verið áhersla á að skapa nýja, sameiginlega menningu. Á árinu var starfsmannastefna félagsins uppfærð í takt við áherslur Mannauðs síðustu misseri. Þar er meðal annars fjallað um jafnrétti, sveigjanlegt vinnuumhverfi og heilbrigði starfsfólks
0
Meðalstarfsaldur í árum
0
Fjöldi starfsfólks
0
Meðalaldur í árum
0
0
Jafnréttismál
Sýn fór inn í árið 2018 sem handhafi hvatningarverðlauna jafnréttismála fyrir að hafa unnið markvisst að því að jafna stöðu kynjanna í karllægum geira og sporna þannig við myndum svokallaðra karla- og kvennastarfa. Fyrirtækið hefur lagt mikla áherslu á að vera til fyrirmyndar í jafnréttismálum og voru verðlaunin því kærkomin viðurkenning á þeirri vinnu sem átt hefur sér stað og þó að þau hafi sannarlega verið gott veganesti inn í árið 2018 má aldrei sofna á verðinum og krefst málaflokkurinn stöðugrar vinnu.
Árið 2017 hlaut Vodafone jafnlaunavottun en við sameiningu var ljóst að ráðast þurfti í nýja jafnlaunaúttekt á sameinað félag. Undirbúningsvinna fyrir jafnlaunaúttekt hefur staðið yfir frá því í haust. Síðastliðnar vikur hefur verið unnið að því með PWC að smíða jafnlaunakerfi fyrir félagið og er stefnt á lokaúttekt í apríl 2019.
Heilbrigði starfsfólks
Hluti nýju starfsmannastefnunnar lýtur að því að gæta að heilsu starfsfólks, bæði líkamlegri og andlegri og hefur verið unnið markvisst að því á árinu. Sýn er í virku samstarfi við Vinnuvernd sem veitir greiðan aðgang að fagaðilum á sviði heilbrigðismála.
Í samstarfi við Sidekick Health voru haldnir Heilsuleikar Sýnar en með heilsuleikunum eru starfsmenn hvattir til að huga að heilsunni; hvort sem það er með hreyfingu, hollu mataræði eða hugleiðslu. Í nýju höfuðstöðvunum er sérstakt núvitundarherbergi þar sem starfsfólk hefur aðgang að hugleiðslu í gegnum sýndarveruleikagleraugu. Í núvitundarherberginu eru einnig nuddrúllur, boltar og jógadýnur sem starfsfólk getur nýtt sér yfir vinnudaginn eða eftir æfingar.
Þessu tengt fór fyrirtækið í fyrsta skipti í gegnum úttekt og hlaut vottun samkvæmt vinnuverndarstaðlinum ISO 45001. Tók mannauðsteymið virkan þátt í úttektinni og mun vinna áfram úr niðurstöðum úttektarinnar til að gera enn betur á sviði vinnuverndar og heilbrigðismála.
Það er ýmislegt á döfinni tengt þessum málaflokki og um þessar mundir er unnið náið með fyrirtækinu Kara Connect að því að bjóða starfsfólki Sýnar upp á þjónustu sérfræðinga á vinnutíma eða jafnvel eftir að vinnutíma lýkur. Hugmyndin er að starfsfólk panti tíma eða mæli sér mót við sérfræðing í gegnum netið. Í hröðum heimi teljum við þessa þjónustu henta okkar starfsfólki afar vel þar sem allir eru í kappi við tímann og það getur reynst tímafrekt og kostnaðarsamt að fara úr vinnu til að sækja sér þjónustu fagfólks í heilbrigðisgeiranum.
Verðlaun og viðurkenningar
Vinnuverndarstaðall ISO 45001
Jafnlaunavottun 2017
Hvatningarverðlaun jafnréttismála 2017
UNI - Fræðsla innan Sýnar
UNI er regnhlífarhugtak sem nær yfir alla fræðslu innan Sýnar. UNI býður upp á ýmis námskeið sem tengjast starfsemi félagsins sem og önnur fróðleg námskeið. Seinni hluta árs 2018 fór fram innleiðing á nýrri rafrænni fræðslugátt UNI. Kerfið mun greiða leið fyrir frekari fræðslu og menntun starfsmanna Sýnar og þar verður boðið upp á námskeið sem bæði eru skylda og val fyrir starfsfólk.
Allir nýir starfsmenn eru boðaðir á grunnnámskeið UNI þar sem farið er yfir starfsemi félagsins á ítarlegan máta. Námskeiðið er haldið ársfjórðungslega og þar kynna framkvæmdastjórar félagsins og aðrir fyrirlesarar starfsemi Sýnar fyrir nýliðum á öllum sviðum.
Á árinu var sett á laggirnar fræðsluráð Sýnar. Megintilgangur ráðsins er að hafa yfirsýn yfir fræðslu innan félagsins. Ráðið metur einnig fræðsluþörf innan deilda félagsins með hliðsjón af lögbundnum skyldum Sýnar. Í ráðinu sitja fræðslustjóri félagsins, fræðslufulltrúi sem starfar á sviði vöruþróunar og tveir fulltrúar gæða- og öryggisdeildar Sýnar.
Árið 2018 var unnið markvisst að því að breyta vinnustaðamenningu innan Sýnar og færa gögn yfir í hið svokallaða ský. Í því felst að kenna á þau tól sem við höfum í Office 365 umhverfinu og fleira því tengt.
Það er tekið vel á móti nýju starfsfólki hjá Sýn
Á döfinni
Á síðastliðnu ári hefur teymi mannauðs verið að fóta sig í nýju umhverfi með hartnær helmingi fleira starfsfólk en árið áður. Fyrstu mánuði ársins voru nýttir í að skilja ný störf innan félagsins, greina þarfir og kynnast nýju samstarfsfólki. Á seinni hluta ársins hefur verið unnið að því að koma ferlum í fastan farveg, kenna ný vinnubrögð, fylgja stefnu og skilgreina verkefni næsta árs. Fjöldamörg tækifæri eru til sóknar á sviði mannauðsmála á komandi misserum og ýmis verkefni komin á teikniborðið sem vonast er til að hægt verði að ráðast í á árinu 2019, til að mynda að skoða vettvang á netinu fyrir frammistöðumat og frammistöðustjórnun á allt félagið.
Veitingastaður á heimsmælikvarða BESTA Bistro á 6. hæð
FM957 Vala Eiríks dagskrárgerðarkona á FM957
Í BESTA Bistro er eldaður hollur og góður matur á hverjum degi Steinn Óskar Sigurðsson matreiðslumeistari ásamt samstarfsfólki sínu
Góður starfsandi Hjá Sýn leggjum við mikið upp úr því að hafa gaman í vinnunni og góðan starfsanda
Bítið á Bylgjunni Heimir og Gulli vakna með hlustendum í Bítinu á Bylgjunni
Fréttir Stöðvar 2 Edda Andrésdóttir
Fjölbreyttar vinnustöðvar BESTA vinnuumhverfið býður upp á fjölbreyttar vinnustöðvar sem henta þeim verkefnum sem starfsfólk sinnir hverju sinni
X977 Frosti og Máni þáttastjórnendur Harmageddon á X977
Innlend þáttagerð Fannar Freyr Magnússon klippari að störfum í hljóðveri
Opið vinnurými Opið vinnurými stuðlar að opnum samskiptum og styður við jafnrétti á vinnustaðnum
Stórbrotið útsýni úr höfuðstöðvum Sýnar Vinnustöðvar eru allar með upphækkanlegum borðum
Verslanir Vodafone Vodafone Vodafone rekur 4 verslanir, á Suðurlandsbraut 8, Kringlunni, Smáralind og á Glerártorgi á Akureyri
Kaffibarinn Það er alltaf heitt á könnunni
